求財就要搵財神, 要求 Fun 就點少得 PS 大神。
強國的論壇或貼圖吧不知從何開始，充斥着一大班不知想借刀殺仇人，定話不知好歹的天真大朋友，將自己的照片放上網，祈求 PS 大神執走身邊個男仔或者加個美女，務求幫自己變得靚仔啲，甚至型啲，十足十一個危險人物一樣咁反叛。
結果當然是悲劇收場，相信大家已經睇過無數的神級攪笑大作。而這股無厘頭現象連外國網站都時常報導 (這篇是來自 9GAG)。原來強國人除了強，似乎時間同閒情都特別多過人，真是強國自有強中手。
其實今時今日做 Social Media Content，日諗夜諗點去做一些好玩有趣的內容真是不容易，單打獨鬥做好 Content 後 ，有邊個唔想積下來的一班活躍粉絲能夠乖乖地回饋平台，同你玩 User Generated Content 的雙向社交活動。
所以我和公司的同事成日都想搵機會玩下【 求大神 PS】Social Campaign。誰不知又發現一個較早前的好例子，日本飲料製造商 "CALPIS OASIS" 的網上 Campaign。
在這裡，求大神 PS 的朋友可以從自己的 Facebook Album 中挑選一張無聊的相 upload 到網站，之後就會有一群專業的PS “駱駝” 在背後出手幫你精心泡製你張相 ，最後將 PS 完的相 Send 返畀你 Facebook 上的好朋友，問你死未。
